Transcription
1
Madame, le tesmogniage que vous faira le presant pourteur
2
touchant le bon pourtemant de monsieur de Laval et mesmes que
3
le porrés vouer aussy par la lettre que monsieur de Veynes escript
4
à monsieur de Gordes, faira que je ne vous diray aultre chose
5
sinon que mondict sieur de Laval a perdu sa fievre depuis
6
arsouer, questoyt vandredy, anvyron six heures après mydi
7
et quil commance, la grace à Dieu, à se bien pourter par le
8
moyen du bon regime quil la tenu et pour le bon naturel
9
dequoy il lest. Au demeurant, nous avons resceu tant
10
dhonetetés et courtoesies de monsieur et madame la generale
11
Grolyer, que à la verité, monsieur de Laval leur en demeurera
12
beaucoup redevable, daultant que par leur moyen,
13
il ne nous a manqué de toutes sortes de confitures et gelée. Nous avons
14
resceu aussy beaucoup dhonetetés de madamoezele de St
15
Prie. Vostre rantyer Ivonet ne nous a jamès abandonné
16
depuis que nous sommes en ceste ville, jusques à cethur
17
monsieur de Laval ayet esté hors de fievre et nous a
18
secouru de beaucoup de voulallye dont il na voulu
19
prandre argent. Et nayant chose pour le presant digne
20
de vous escripre, je fineray la presante, après vous avouer
21
beysé très humblemant les mains. Je prieray le Createur
22
Madame, vous donner en parfaicte santté longue et heureuse
23
vie. De Lyon, ce 26 julhié 1572
24
vostre très humble et obeyssant
25
serviteur
26
de Chapponay
27